Забыли пароль?
Регистрация
Вопрос
Ушбу ҳолатда қандай тузатиш бухгалтерия ёзувлари берилади? Хар иккала томоннинг солиқ оқибатлари қандай бўлади?
Корхона фоизсиз ҳам юридик, ҳам юридик шахс бўлмаган якка тадбиркор ҳамда жисмоний шахсларга 2015 йилда 10,0 млн сўм қайтариб бериш шарти билан бир йиллик муддатга қарз берди. Молиявий ҳисоботларни топширди. Қарз ўз вақтида сўндирилди, бироқ, маълум бўлишича, фоизсиз қарз берилса ҳам солиқ оқибатлари юзага келар экан.


Ответы экспертов
Ответов: 420
28.04.2016

Ушбу мавзу газетада кўп бора муҳокама қилинган. Фуқаролик кодекси билан фоизсиз қарз шартномаларини тузиш мумкинлиги белгиланган. Солиқ органлари томонидан фоизсиз қарз шартномалари беғараз кўрсатилган молиявий хизмат дея қаралади. Ташкилотдан пул маблағларининг чиқиб кетиши бирор даромад кўриш шарти билан амалга оширилиши лозим, яъни қарздан фоизлар шаклидаги даромад. Беғараз олинган мулкий ҳуқуқлар, шу жумладан қарз шартномаси бўйича мулкдан беғараз фойдаланилганда, даромад қиймати аниқланиб, солиққа тортилувчи базага киритилиши лозим.

Қарзга берувчида даромад ҳақиқатда пул маблағларидан фойдаланганлик учун фоизлар тўловини олсагина юзага келган бўлар эди. Қарз шартномалари фоизсиз бўлганлиги сабабли, қарз берувчида даромад юзага келмайди. Мос равишда, у ўз бухгалтерия ва солиқ ҳисобида даромад кўриш бўйича ҳеч қандай операцияни амалга оширмайди.

Ушбу ҳолатда даромад фоизсиз шартларда пул маблағларини олган қарз олувчида юзага келади.

Агар қарз олувчи якка тартибдаги тадбиркор бўлса, ушбу даромадлар бўйича унда солиқ мажбуриятлари юзага келмайди, чунки олинган даромаддан қатъий назар, у қатъий белгиланган солиқни тўлайди. Қатъий белгиланган солиқ солиқ тўловчининг календарь ойида ишлаган кунлари сонидан қатъи назар, тадбиркорлик фаолиятининг тури ва солиқ тўловчининг фаолиятни амалга ошириш жойига қараб белгиланган ставкалар бўйича тўланади (Солиқ кодексининг 375-моддаси).

Қарзлардан фоизсиз асосда фойдаланган жисмоний шахсларга келсак, улар учун Солиқ кодексининг 172-178-моддаларида кўрсатилган солиққа тортилувчи даромадлар юзага келмайди. Мос равишда, солиқ тўловлари бўйича мажбуриятлар ҳам юзага келмайди.

Юқоридагилардан келиб чиқиб, сизнинг ҳолатингизда фоизсиз қарз беришдан қарз берувчида ҳам, қарз олувчида ҳам солиқ оқибатлари юзага келмайди, шунинг учун бухгалтерия ҳисобида тўғирлашлар киритишга ҳожат йўқ.

Ответы экспертов отражают их мнение и создают информационную основу для принятия Вами самостоятельных решений. Пользование этим сервисом осуществляется по правилам, с которыми Вы согласились, задавая вопрос на сайте. Просмотр всех вопросов и ответов открыт в свободном доступе.
Ответы актуальны на дату публикации.

Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика