Забыли пароль?
Регистрация
Вопрос
Ягона солиқ тўлови бўйича имтиёз аптекага ҳам тадбиқ қилинадими? Агар аптека учун ягона солиқ тўлови бўйича имтиёз тадбиқ қилинмаса, 2203-сон Низомдаги ягона солик тўловининг энг кам миқдорини аниқлаш мезони қўлланиладими?
Бизнинг корхонанинг асосий фаолияти тиббий хизматлар кўрсатиш (90%). Биз тиббий хизмат кўрсатиш фаолиятимиз учун Ўзбекистон Республикаси Президентининг ПФ-3923-сонли Фармонида назарда тутилган ягона солиқ тўлови бўйича имтиёздан фойдаланамиз. Жамиятимизда клиникадан ташқари аптека (мустақил солиқ тўловчи эмас) ҳам мавжуд.


Ответы экспертов
Ответов: 258
25.05.2016

Ҳа, фикримизча, солиқ имтиёзлари бутунлигича тиббий муассасасига тадбиқ этилади.

Ҳақиқатан, ЎзР Президентининг ПФ-3923-сонли Фармонининг 7-банди нормаси тўғридан тўғри тушунилса, 2007 йилнинг 1 октябридан аҳолига пуллик тиббий хизматлар кўрсатувчи (стоматология ва косметология хизматлари бундан мустасно) тиббиёт муассасалари 2018 йилнинг 1 январигача барча турдаги солиқлар ва Республика йўл жамғармаси ҳамда Бюджетдан ташқари умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига ўтказиладиган мажбурий ажратмалар тўлашдан озод этилган, башарти бўшайдиган маблағлар тиббиёт муассасаларини замонавий тиббий асбоб-ускуналар билан жиҳозлашга мақсадли равишда йўналтирилса.

Ушбу банддан келиб чиқадики, солиқ имтиёзлари бутунлигича тиббий муассасасига (солиқ тўловчи сифатида) тадбиқ этилади.

Энди, қандай корхона тиббий муассаса ҳисобланишини аниқлаш керак.

Тиббий фаолият лицензияланадиган фаолият турига киради.

Начнем с того, что медицинская деятельность является лицензируемой. Тиббий фаолиятни лицензиялаш тўғрисида Низом (ЎзР ВМ 29.03.2012 й. 92-сон қарорига 1-илова) билан тиббиёт муассасалари турлари ва ихтисослик турлари бўйича тиббий фаолият ҳажмига талаблар белгиланган.

Шу тариқа, агар корхона ўрнатилган тартибда ЎзР Соғлиқни сақлаш вазирлигидан лицензия олган бўлса ва лицензия талабларига амал қилса, шунингдек ҳисобот даври якуни бўйича тиббий хизмат кўрсатиш фаолияти асосий фаолият тури бўлган бўлса, у ҳолда бундай корхона тиббий муассаса ҳисобланади.

Ушбу ҳолатда, тиббий муассасанинг бошқа фаолият турларидан олган даромадларига ҳам юқорида кўрсатилган ягона солиқ тўлови бўйича имтиёз тадбиқ этилади.

Ягона солиқ тўловининг энг кам миқдори киритилиши муносабати билан ягона солиқ тўловини ҳисоблаб чиқариш ва тўлаш тартиби тўғрисидаги Низом (АВ томонидан 03.03.2011 й. 2203-сон билан рўйхатга олинган) ЯСТ тўлашдан тўлиқ озод этилиш кўринишида имтиёзга эга бўлганларга тадбиқ этилмайди (2-банднинг б-қисми).

Аммо, эътиборга олиш керакки, амалиётда турлича фикрлар мавжуд. Солиқ органлари нуқтаи назаридан, ЎзР Президентининг ПФ-3923-сонли Фармонининг 7-бандида белгиланган имтиёзлар фақат  аҳолига пуллик тиббий хизматлар кўрсатиш (стоматология ва косметология хизматлари бундан мустасно) фаолиятигагина  тадбиқ этилади.

Шунинг учун, ушбу нормани ҳар хил талқин этилишининг олини учун ЎзР Давлат Солиқ Бошқармасига ёзма мурожаат қилишингизни ва ўз саволингизга расмий жавоб олишингизни маслаҳат берамиз.

Ответы экспертов отражают их мнение и создают информационную основу для принятия Вами самостоятельных решений. Пользование этим сервисом осуществляется по правилам, с которыми Вы согласились, задавая вопрос на сайте. Просмотр всех вопросов и ответов открыт в свободном доступе.
Ответы актуальны на дату публикации.

Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика