Забыли пароль?
Регистрация
Вопрос
Нега энди солиқ инспекциясида хизмат юзасидан фойдаланиш учун очилган солиқ карточка натижалари солиқ тўловчи учун мажбурий ва бу қайси меъёрий ҳужжат билан қонунлаштирилган?
Солиқ тўловчилар ўз вақтида талаб этиладиган шаклларда солиқ инспекциясига турли ҳисобот ва маълумотларни топширадилар. Кейинчалик ҳисобот рақамлари, солиқ ходимлари томонидан солиқ инспекциясида ҳар бир ташкилот учун очилган (лицевой) карточкаларга, солиқ ходимлари учун махсус ишлаб чиқилган ДСҚ дастури асосида (хусусан, ЖШДС ажратмалари пропорция асосида ўзгартирилган ҳолда) киритилади. Карточка солиқ идорасиники бўлганлиги учун мазкур жараёнда солиқ тўловчи топширган ҳисобот асосида эмас, балки ана шу карточкада кўрсатилган рақамлар орқали амалга оширилади. Натижада солиқ инспекцияси ходимлари томонидан қабул қилинган ҳисоботдаги ЖШДС ажратма суммалари карточкадагидан фарқ қилади. Энг муҳими ана шу карточкадаги қолдиқ рақам солиқ тўловчининг қарзи бўлмаса-да, ундан кутилмаганда ундирилади.


Ответы экспертов
Ответов: 419
16.09.2016

Давлат солиқ хизмати органлари, божхона органлари ҳамда зиммасига солиқлар ва бошқа мажбурий тўловларни ундириш вазифаси юклатилган бошқа давлат органлари ҳамда ташкилотлари бюджетга ва давлат мақсадли жамғармаларига тушумлар ҳисобини юритиши керак. Тушумлар ҳисоби солиқ тўловчининг шахсий карточкасида солиқлар ва бошқа мажбурий тўловларнинг, шунингдек пеня ва жарималарнинг ҳисобланган ҳамда тўланган суммаларини акс эттириш орқали юритилади (Солиқ кодексининг 69-моддаси).

Солиқлар ва бошқа мажбурий тўловларга пеня ҳисоблаш тартиби тўғрисида Низомнинг (АВ 09.10.2007 й. 1724-сон билан рўйхатга олинган) 3-бандига мувофиқ, солиқ тўловчининг шахсий карточкаларида ҳар бир солиқлар ва бошқа мажбурий тўловлари, жисмоний шахслар даромад солиғи бундан истисно, бўйича барча операциялар қолдиқ суммалари акс этттирилган ҳолда операциялар амалга оширилган (солиқ тўловчининг шахсий карточкаларида ёзувларни юритиш) санага ёзилади. Шу тариқа, солиқ тўловчининг шахсий карточкасида кўрсатилган ЖШДСдан ташқари барча ҳисобланган солиқ суммалари солиқ ҳисоботида акс эттирилган суммалар билан тўғри келади.ЖШДСнинг тўлаш муддати даромадларни тўлаш пайти бўлгани учун (Солиқ кодексининг 188-моддаси) шахсий карточкада “тўлаш учун ҳисобланди” устунида ЖШДС суммасига нисбатан фоиз ҳисобида ҳисобланган ва тўланиши керак бўлган ЖШДС акс эттирилади.Ушбу фоиз аниқ бир санада жисмоний шахсларга ҳақиқатда тўланган даромадларнинг ўша санада тўланиши керак бўлган умумий даромадлари суммасига нисбатан аниқланади.

Мисол        

Айтайлик, 31 январда ЖШДС ва суғурта бадалларини айириб ташлаганда 10 000 000 сўм иш ҳақи ҳисобланди. Даромад солиғи ШЖБПЖ бадалларни айириб ташлаганда 1 000 000 сўмга тенг. Худди шу куннинг ўзида тўланиши керак бўлган иш ҳақининг 50%и , яъни 5 000 000 сўм ходимларнинг пластик карточкаларига ўтказилди, шунингдек, ЖШДС суммаси тўлиқ ҳажмда, яъни 1 000 000 сўм миқдорида бюджетга тўланди. 5 февралда эса қолган иш ҳақи суммаси (5 000 000 сўм) ходимларга нақд пулда тўланди.

Дастлаб иш ҳақининг 50%и тўланганлиги сабабли тўланиши керак бўлган солиқ суммаси ҳам худди шу нисбатда аниқланади, яъни умумий ҳисобланган солиқ суммасининг 50%и (1 000 000*50%= 500 000 сўм). Мос равишда, солиқнинг қолган қисми иш ҳақининг иккинчи қисмини тўлаш санасидатўлаш учун ҳисобланди” устунида акс эттирилади.

Ушбу шахсий карточкани тўлдиришнинг ушбу хусусиятини билган ҳолда сиз солиқ хизмати органлари билан ЖШДС суммасини қийинчиликсиз солиштириб текшириб кўришингиз мумкин.

Ответы экспертов отражают их мнение и создают информационную основу для принятия Вами самостоятельных решений. Пользование этим сервисом осуществляется по правилам, с которыми Вы согласились, задавая вопрос на сайте. Просмотр всех вопросов и ответов открыт в свободном доступе.
Ответы актуальны на дату публикации.

Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика