Ответов: 47
|
Ответы эксперта. Архив 2014-19гг.
05.06.2015 [ID: 2709] Қум ва шағал ишлаб чиқарувчи корхона ягона солиқ тўлови тўловчиси бўлиши мумкинми?
Показать ответ
Солиқ кодексининг 244-моддасига асосан ер қаъридан фойдаланганлик учун солиқ ставкаси белгиланган ва реализация қилиш ёки топшириш, шу жумладан бепул бериш, шунингдек маҳсулот ишлаб чиқариш мақсадида ўз истеъмоли ва бошқа эҳтиёжлари учун мўлжалланган фойдали қазилма (фойдали компонент) тайёр маҳсулот деб эътироф этилади. Президентнинг 04.12.2014 йилдаги ПҚ-2270-сон Қарорига 15-иловада тош-шағал аралашмаси, шағал аралашмаси, майда тошлар, шағал учун ер қаъридан фойдаланганлик учун солиқ ставкаси кавлаб олинган тайёр маҳсулот ҳажмига нисбатан 4 фоиз миқдорида белгиланган. Шундай қилиб, сизнинг корхонангиз ер қаъридан фойдаланганлик учун солиқ тўловчиси ҳисобланади. СКнинг 350-моддаси иккинчи қисмига мувофиқ ягона солиқ тўлови акциз солиғи тўланадиган маҳсулот ишлаб чиқаришни ва ер қаъридан фойдаланганлик учун солиқ солинадиган фойдали қазилмаларни қазиб олишни амалга оширувчи микрофирмалар ва кичик корхоналарга татбиқ этилмайди, бундан махсус печлардан фойдаланган ҳолда энергия тежайдиган замонавий технологиялар асосида пишиқ ғишт ишлаб чиқарувчи микрофирмалар ва кичик корхоналар мустасно. Юқоридагиларга асосан, Сизнинг корхонангиз ягона солиқ тўлови тўловчиси бўлиши мумкин эмас. |