Забыли пароль?
Регистрация
Вопрос
1. Тиббиёт ходимлари деб қандай ходимлар тоифаси ёки қандай параметрларга жавоб берадиган шахслар тан олинади? Тиббиёт ходими сифатида қараш учун маълумот даражаси аҳамиятга эгами? 2. Ўзбекистон Республикаси Конституциявий судининг юқоридаги қарорида келтирилган тиббиёт ходимлари тоифасига кичик тиббиёт ходимлари (барча номлардаги санитарка ва бошқа кичик тиббиёт ходимлари, беморларни парвариш қилувчи кичик ҳамшира ва хўжалик бекаси) ҳам кирадими ва улар учун иш вақти нормасини белгилашда ҳафтада ўттиз олти соатдан ортиқ бўлмаслик бўйича қоидага амал қилинадими ёки Меҳнат кодексининг 115-моддаси билан тартибга солиниб, ҳафтасига 40 соатни ташкил этадими?
Ўзбекистон Республикаси Конституциявий судининг 16.01.1998 йилдаги “Ўзбекистон Республикаси Меҳнат кодексининг 118-моддасини қўлланишнинг Конституцияга мувофиқлигини текшириш тўғрисидаги иш бўйича” қарорига асосан Ўзбекистон Республикасининг Вазирлар Маҳкамаси 1997 йил 11 мартда тасдиқлаган "Алоҳида тусга эга бўлган ишлардаги ходимлар рўйхати"да кўрсатиб ўтилмаган тиббиёт ходимларининг иш вақти нормаси бир ҳафтада ўттиз олти соатдан ортиқ бўлиши мумкин эмас деб ҳисобланишлиги белгиланган. Ўзбекистон Республикасининг Вазирлар Маҳкамасининг 2005 йил 21 декабрдаги 276-сон Қарори билан тасдиқланган “Ўзбекистон Республикаси давлат муассасалари тиббиёт ва фармацевтика ходимлари меҳнатига ҳақ тўлаш тартиби ва шартлари тўғрисида низом”нинг 8-бандида кичик тиббиёт ходимлари тоифасига кирувчи қуйидаги лавозимлар келтирилган ва уларга Ўзбекистон Республикаси давлат муассасалари тиббиёт ва фармацевтика ходимлари меҳнатига ҳақ тўлашнинг тариф сеткаси асосида разрядлар белгиланади: барча номлардаги санитарка ва бошқа кичик тиббиёт ходимлари, беморларни парвариш қилувчи кичик ҳамшира ва хўжалик бекаси. Ўзбекистон Республикасининг Вазирлар Маҳкамасининг 2015 йил 19 июндаги 164-сон Қарори билан тасдиқланган "Хизматчиларнинг асосий лавозимлари ва ишчилар касблари классификатори"нинг 2-иловасига кўра тиббиёт ташкилотларидаги санитаркаларда маълумотининг энг паст даражасига талаб қўйилмаган. Беморларни парвариш қилувчи кичик ҳамшира ва хўжалик бекасида маълумотнинг энг паст даражаси эса ўрта-махсус касб ҳунарга оид бўлиши кераклиги белгиланган.


Ответы экспертов
Ответов: 180
06.04.2017

1. Амалдаги қонунчиликда тиббиёт ходимларининг аниқ тавсифи кўрсатилмаган. Лекин тиббиёт ходимлари тоифасига қандай шахслар киритилганлигини бир қатор норматив – ҳуқуқий ҳужжатлар мазмунидан кўрса бўлади. Жумладан, 21.12.2005й. 276-сон ВМҚга 2-иловада тиббиёт ходимлари меҳнатига ҳақ тўлаш мақсадида кичик тиббиёт ходимлари, ўрта тиббиёт ходимлари ва врачлар тоифаларига ажратилган.

Кичик тиббиёт ходимлари таркибига қуйидагилар киритилган:

- барча номлардаги санитарка ва бошқа кичик тиббиёт ходимлари;

- беморларни парвариш қилувчи кичик ҳамшира;

- хўжалик бекаси.

Кичик тиббиёт ходимлари учун кичик тиббиёт лавозимларидаги иш вақти мутаххасислик буйича иш стажига киритилиши белгиланган (21.12.2005й. 276-сон ВМҚга 3-илованинг 1-б.).

18.12.2009й. 319-сонли ВМҚга 1-илованинг 2-бандида врачлар ва ўрта тиббиёт кадрлари ўз малакаси ва касбий даражасини мунтазам равишда ошириб боришлари шартлиги белгиланган. Кичик тиббиёт ходимларига нисбатан бундай талаб қўйилмаган.

Демак, тиббиёт ходимлари кичик тиббиёт ходимлари, ўрта тиббиёт ходимлари ва врачлар тоифаларидан иборат. Шахс қайси бўғиндаги тиббиёт ходими лавозимида ишламоқчи эканлигига қараб, маълумот даражаси буйича талаблар 19.06.2015й. 164-сонли ВМҚга иловада[1] кўрсатилган.

2. ЎзР Конституциявий судининг “Ўзбекистон Республикаси Меҳнат кодексининг 118-моддасини қўлланишнинг Конституцияга мувофиқлигини текшириш тўғрисидаги иш бўйича” 16.01.1998 йилги қарори буйича тушунтириш олиш учун ЎзР Конституциявий судига мурожаат қилишингизни тавсия қиламиз.

 


[1] ЎзР Президенти ва ВМнинг қарорлари билан ташкил этилган давлат корхоналари, муассасалари ва ташкилотларида, хўжалик бошқаруви органларида, шунингдек устав капиталида давлат улуши 50 фоиздан ортиқ бўлган ташкилотларда қўлланилиши мажбурий ҳисобланади.

Ответы экспертов отражают их мнение и создают информационную основу для принятия Вами самостоятельных решений. Пользование этим сервисом осуществляется по правилам, с которыми Вы согласились, задавая вопрос на сайте. Просмотр всех вопросов и ответов открыт в свободном доступе.
Ответы актуальны на дату публикации.

Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика