Забыли пароль?
Регистрация
Вопрос
1. Юридик шахснинг рўйхатдан ўтказилган манзил турар жой ҳисобланса ягона солиқ тўловини минимал миқдори қандай аникланади? 2. МЧЖнинг таъсисчилар таркибидан чиқиб кетаётган таъсисчининг ҳақиқий улуши – 1000000 сўмни ташкил этади. Таъсисчилар йиғилиш баённомасига асосан таъсисчига улушнинг ҳақиқий қийматидан ортиқроқ қолдиқ қиймати 1200000 сўмлик асосий воситаларни берса бўладими? 3. Улгуржи фаолиятини амалга оширучи корхонадан чикиб кетаётган таъсисчининг хакикий улуши жамият соф активлари ва устав капитали орасидаги фаркдан ортик булса, устав капитали шу фаркда камайтирилиши керак (МЧЖ турисидаги конуннинг 20 банди). Агар биз устав капиталини камайтирсак улгуржи фаолиятини амалга ошириш учун берилган лицензия бекор килинадими?
Тадбиркорлик субъектларини давлат рўйхатидан ўтказиш, ҳисобга қўйиш ва рухсат берувчи хужжатларни расмийлаштириш тартиби тўғрисидаги Низомда (24.05.2006й. ПҚ-357-сонли қарор билан тасдиқланган) тадбиркорлик субъектлари - юридик шахсларни рўйхатдан ўтказишнинг мажбурий шарти сифатида уларда почта манзили сифатида нотурар жойнинг мавжуд бўлиши назарда тутилмаган. Ушбу хужжатларнинг маъносига кўра уларни муассислардан бири - жисмоний шахснинг яшаш жойи бўйича рўйхатдан ўтказишга йўл кўйилади.


Ответы экспертов
Ответов: 208
31.03.2017

1. Агар юридик шахснинг почта манзили кўп квартирали уйда жойлашган бўлса, унда бундай турар жойларга амалдаги қонун хужжатларида ўзига ҳос талаблари мавжуд.

 Ўзбекистон Республикаси Уй-жой кодексига асосан (9-моддаси) кўп квартирали уйлардаги турар жойларни саноат эҳтиёжлари учун ишлатиш, ижара ёки арендага бериш ман этилади. Кўп квартирали уйдаги турар жойга бошқа корхоналар, муассасалар ва ташкилотларни ушбу жой яшаш учун мўлжалланмаган жойлар туркумига белгиланган тартибда ўтказилганидан кейингина жойлаштириш мумкин.

Фақат белгиланган тартибда касаначилик меҳнати амалга оширилаётган турар жойларни яшаш учун мўлжалланмаган жойлар тоифасига ўтказиш талаб этилмайди.

Юридик шахс унинг тасисчиси – жисмоний шахсга тегишли бўлган жойни ёки унинг бир қисмини фақат нотурар-жойга ўтказгандан кейингина у ерда фаолият олиб бориши мумкин. Бунда кўп квартирали уйлардаги яшаш учун мўлжалланмаган жойлардан фойдаланиш тартиби тўғрисида Низомнинг (ВМнинг 24.01.2000й. 22-сонли қарорига 2-илова) иловасида акс эттирилган фаолият турлари учун рухсат берилади.

Агар юридик шахснинг Низомида почта манзили ўнинг таъсисчисига (жисмоний шахсга) тегишли бўлган турар жойи кўрсатилган бўлса, лекин ушбу манзилдан фойдаланиш учун турар жой эгаси билан алоҳида ижара шартномаси тузилмаган бўлса ва ушбу манзилдан фойдалангинлик учун ҳақ тўланмаса, унда юридик шахс ушбу турар жойдан беғараз фойдаланаётган деб ҳисобланади.

СКнинг 135-моддасига асосан текин олинган мол-мулк, мулкий ҳуқуқлар, шунингдек ишлар ва хизматлар солиқ тўловчининг даромади ҳисобланади. Текинга олинган мулкий ҳуқуқнинг қиймати бозор қийматида аниқланади.

Уй-жойдан текинга фойдаланганда мулкий ҳуқуқнинг бозор қиймати давлат томонидан белгиланган ижара ҳақининг минимал ставкаларидан келиб чиқиб аниқланади. 2017 йилда Тошкент шаҳрида нотурар жойни бир ойлик ижара ҳақининг энг кам ставкаси 1 кв.м. учун 9 минг сўмни ташкил этади. Шунга қараб умумий ижара ҳақи ҳисобланиб, ушбу ижара ҳақи корхонанинг бошқа даромадларига киритилиши лозим.

Агар юридик шахсга фойдаланишга берилган аниқ майдон кўрсатилмаган бўлса, унда солиқ солиш мақсадида давлат кадастр хужжатларида кўрсатилган турар жойнинг умумий майдони инобатга олиниши мумкин. Ягона солиқ тўловини минимал миқдори ҳам шу тартибда, яъни турар жойнинг умумий майдонидан келиб чиқиб аниқланади.

Агар сизнинг ҳолатда Низомда белгиланган почта манзилидан ташқари юридик шахснинг ўзига тегишли ёки ижарага олинган бошқа бинолар мавжуд бўлмаса, унда таъсисчи (жисмоний шахс) билан унга тегишли бўлган турар жойдан фойдаланишга ижара шартнома тузишни тавсия этамиз.

Ответы экспертов отражают их мнение и создают информационную основу для принятия Вами самостоятельных решений. Пользование этим сервисом осуществляется по правилам, с которыми Вы согласились, задавая вопрос на сайте. Просмотр всех вопросов и ответов открыт в свободном доступе.
Ответы актуальны на дату публикации.

Ответов: 213
11.05.2017

2. Жамият иштирокчиси улушининг ҳақиқий қиймати жамият соф активлари қийматининг унинг улуши миқдорига мутаносиб бўлган бир қисмига мос бўлади (“Масъулияти чекланган ҳамда қўшимча масъулиятли жамиятлар тўғрисида”ги Қонуннинг 4-қ 14-моддаси).

Сизнинг ҳолатингизда иштирокчига унинг улуши номутаносиб равишда, яъни кўпроқ қийматга эга бўлган мулк сифатида қайтариб бериш режалаштирилган бўлса, бизнинг назаримизда иштирокчи унинг отиқча қисмини жамиятга қайтариши лозим.

3. Молия вазирлиги, Иктисодиёт вазирлиги ва Давлат солиқ қўмитасининг 2011 йил 2 февралдаги 5, 4, 2011-4-сон қарори (рўйхат рақами 2203, 2011 йил 3 март) билан тасдиқланган «Ягона солиқ тўловининг энг кам миқдори киритилиши муносабати билан ягона солиқ тўловини ҳисоблаб чиқариш ва тўлаш тартиби тўғрисида»ги Низомнинг 3-бандига мувофиқ ягона солиқ тўловининг энг кам миқдорини хисоблаб чиқаришда юридик шахслар томонидан мулк ҳуқуқи, эгалик қилиш ҳуқуқи, фойдаланиш ҳуқуқи ёки ижара ҳуқуқи асосида фойдаланиладиган ер участкалари ҳисобга олинади.

Улгуржи савдо фаолиятини амалга ошириш учун энг кам ойлик иш ҳақининг камида 3500 баравари микдорида, улардан энг кам ойлик иш ҳақининг камида 1200 баравари миқдорида пул маблағлари билан шакллантирилган устав фонди мавжуд бўлиши лозим. Бунда, улгуржи савдо фаолиятини амалга оширадиган корхонада устав фондининг белгиланган миқдордан камайтирилиши лицензия талаблари ва шартларини бузиш ҳисобланади (ВМнинг 2005 йил 5 ноябрдаги 242-сон қарори билан тасдиқланган «Улгуржи савдо фаолиятини лицензиялаш тўғрисида»ги Низомнинг 9-банди).

Ответы экспертов отражают их мнение и создают информационную основу для принятия Вами самостоятельных решений. Пользование этим сервисом осуществляется по правилам, с которыми Вы согласились, задавая вопрос на сайте. Просмотр всех вопросов и ответов открыт в свободном доступе.
Ответы актуальны на дату публикации.

Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика