Забыли пароль?
Регистрация
Вопрос
Ходим билан меҳнат шартномаси бекор қилинганида, иш берувчи ходимга бир неча йил давомида фойдаланилмаган меҳнат таътиллари учун пуллик компенсация тўлаб беришга мажбурми?
Ташкилотда ишловчи ходим 5 йиллик меҳнат фаолияти давомида меҳнат таътилига чиқмаган. Нима учун ушбу ходим меҳнат таътилига чиқмаганлиги ҳолатига ойдинлик киритилмаган. Мазкур ходим ишдан бўшаганидан сўнг ташкилотга мурожаат қилиб, фойдаланилмаган барча меҳнат таътиллари учун пуллик компенсация тўлаб беришни сўради.


Ответы экспертов
Ответов: 99
21.11.2017

Ходим билан меҳнат шартномаси бекор қилинганида унга фойдаланилмаган барча йиллик асосий ва қўшимча таътиллар учун пуллик компенсация тўланади (МКнинг 151-моддаси). Ходим талаб қилмаган тақдирда ҳам иш берувчи корхона унга ушбу компенсация суммаларини барча йиллар учун тўлиқ миқдорда тўлаб беришга мажбур.

Ходимга барча фойдаланилмаган асосий ва қўшимча таътиллар учун компенсация тўлаш тўғрисида буйруқ чиқариш хамда ходимга ушбу суммаларни тўлаб бериш лозим.

Агар ходим фойдаланилмаган барча йиллик асосий ва қўшимча таътиллар учун пуллик компенсацияни тўлаб берилмаганлиги муносабати билан судга мурожаат қилса, суд томонидан унинг бу талаби тўлиқ қаноатлантирилади (МКнинг 275-моддаси 2-қисми). Сизнинг корхонангиз бундан ташқари яна суд ва почта харажатларини ҳам тўлаб беришга мажбур бўлади.

Шунингдек, корхонангизнинг мансабдор шахсига нисбатан меҳнат ва меҳнатни муҳофаза қилиш тўғрисидаги қонун ҳужжатларининг бузганлиги учун маъмурий жазо тайинланиши ва энг кам иш ҳақининг 2 бараваридан 5 бараваригача бўлган миқдорда жарима солиниши мумкин (МЖтКнинг 49-моддаси).

Айтиб ўтиш жоизки, ходимга фойдаланилмаган барча йиллик асосий ва қўшимча таътиллар учун пуллик компенсация суммаси меҳнатга ҳақ тўлаш тарзидаги даромад ҳисобланади (СКнинг 172-моддаси, 175-моддаси 1-банди, «а»-кичик банди). Меҳнатга ҳақ тўлаш тарзидаги даромадлар жисмоний шахсларнинг даромадларига солинадиган солиқ, ФЖБПТ, ЯИТ ва фуқароларнинг бюджетдан ташқари Пенсия жамғармасига суғурта бадаллари бўйича солиққа тортилади.

Ответы экспертов отражают их мнение и создают информационную основу для принятия Вами самостоятельных решений. Пользование этим сервисом осуществляется по правилам, с которыми Вы согласились, задавая вопрос на сайте. Просмотр всех вопросов и ответов открыт в свободном доступе.
Ответы актуальны на дату публикации.

Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика