Ответов: 548
|
Ответы эксперта. Административная ответственность
04.05.2020 [ID: 17309] Ҳайдовчи ЙПХ ходимининг ҳаракатлари устидан қайси судга шикоят қилиш мумкин ва судга мурожаат қилганда давлат божини тўлаш лозимми?
Показать ответ
Ҳайдовчилар: - ЙПХ ходимининг ҳаракатлари ёки ҳаракатсизлиги; - расмийлаштирилган ҳуқуқбузарлик тўғрисида маъмурий баённома; - чиқарилган қарор устидан юқори турувчи орган (мансабдор шахс)га ёки судга шикоят қилиш ҳуқуқига эгадирлар (ВМнинг 01.12.2018 йилдаги 975-сон қарорига илованинг 18-банди 14-хатбошиси). Маъмурий судда Сиз ҳуқуқбузарлик фактини инкор этишингиз, бузилган ёки низолашилаётган ҳуқуқларингизни ҳимоя қилишингиз мумкин (МЖтКнинг 245-моддаси 2-қисми, МСИЮтКнинг 4-моддаси 1-қисми). Шикоятга қуйидагилар илова қилинади (МСИЮтКнинг 130-моддаси): - давлат божи ва почта харажатлари тўланганлиги тўғрисидаги квитанция; - шикоятнинг ва унга илова қилинган ҳужжатларнинг кўчирма нусхалари жавобгарга ҳамда учинчи шахсларга юборилганлигини; - арз қилинган талабларга асос бўлган ҳолатларни; - шикоятни имзолаш ваколатини, агар у вакил томонидан имзоланган бўлса. Давлат божи миқдори БҲМнинг 1 бараварига тенг (Давлат божи ставкаларининг 3-банди б-кичик банди). Почта харажатларининг суммаси суд томонидан мустақил равишда белгиланади, бироқ бу сумма БҲМнинг 1/10 қисмидан ошмаслиги керак (МСИЮтКнинг 113-моддаси 2-қисми). |