Сотиб олувчининг харид қилган маҳсулотнинг қолган 85 фоиз қисмини тўлаётганда маҳсулот етказиб беришнинг кечиктирилган кунлар учун пеняни ҳисоблаб ушлаб қолишга хақлилиги ёки ҳақли эмаслиги шартноманинг шу қисмига оид бўлган шартларига боғлиқ.

Мисол тариқасида шартномада шу шарт, айтайлик, қуйидагича кўрсатилган: «Маҳсулотни етказиб бериш муддати кечиктириб юборилган ҳолда, маҳсулот етказиб берувчи сотиб олувчига кечиктирилган ҳар бир кун учун мажбурият бажарилмаган қисмининг 0,4 фоизи миқдорида пеня тўлайди, бироқ бунда пенянинг умумий суммаси етказиб берилмаган маҳсулот баҳосининг 50 фоизидан ошиб кетмаслиги лозим». Бундай шартни шарҳлашда ундаги сўз ва ибораларнинг асл маъносини эътиборга олиш керак (ФКнинг 363-моддаси 1-қисми). Яъни «етказиб берувчи сотиб олувчига ... пеня  тўлайди» деган ибораси «етказиб берувчи сотиб олувчига пеняни ўзи тўлайди» деган маъносини билдиради.

Бундай ҳолатда сотиб олувчи маҳсулот белгиланган муддатдан кечиктириб етказиб берилганлиги учун пеняни ундириш мақсадида етказиб берувчига талабнома билдириши шар бўлади («Хўжалик юритувчи субъектлар фаолиятининг шартномавий-ҳуқуқий базаси тўғрисида» ги Қонуннинг 17-моддаси).

Шу билан бирга, тарафлар ушбу материалимизда муҳокама қилинаётган шарт бўйича ўзгача келишишлари мумкин (шартнома тузиш эркинлиги ҳақидаги қоидаларни назарда тутган ФКнинг 354-моддаси доирасида). Яъни агар битта тараф мажбуриятини бузса, бошқа тараф неустойка ҳисобидан шартномага асосан тўланиши лозим бўлган суммани камайтиради. Масалан, харидор маҳсулот учун тўланиши лозим бўлган суммадан ундириладиган пеняни ушлаб қолади. Бу ҳолда харидор етказиб берувчига талабнома (претензия) билдирмасдан, кейинчалик эса унга нисбатан судга даъво аризасини тақдим этмасдан пеня суммасига камайтирилган маҳсулот учун тўловни амалга ошириш йўли билан шу неустойкани ушлаб қолиши мумкин.

Ушбу шарт шартномада баён этилишининг мисоли:

«Маҳсулотни етказиб бериш муддати кечиктириб юборилган ҳолда, сотиб олувчи маҳсулот учун тўланиши лозим бўлган суммадан кечиктирилган ҳар бир кун учун мажбуриятнинг бажарилмаган қисмининг 0,4 фоизи миқдорида пеняни ушлаб қолади, бироқ бунда пенянинг умумий суммаси етказиб берилмаган маҳсулот баҳосининг 50 фоизидан ошиб кетмаслиги лозим».

Ҳа, маҳсулот етказиб бериш муддатидан (тарафлар томонидан белгиланган санадан) эртаси куни етказиб берилган маҳсулот суммасига пеня ҳисобланади. Ушбу эртаси куннинг етказиб берилган вақти (соат 12 ми ёки 15 ми ва ҳ.к.) – муҳим эмас.

Амалиётда мажбурият аниқ сана билан тайинланган кунда уни бажарилишини (ФКнинг 145‑моддаси 1‑қисми) назарда тутиш ҳоллари учраб туради. Айтайлик, товарни етказиб бериш юзасидан мажбурият муайян куни (у аниқ белгиланмоғи керак, масалан, сиз ёзганингиздек,  «2017 йил 16 март») товарни олиб бориб беришни назарда тутади.

Бажарилиши учун муайян кун (сана) белгиланган ҳаракат айнан шу куни соат 24.00.гача бажарилиши керак (ФКнинг 148-моддаси 1-қисми).

Ҳаракат иш куни муайян соат билан чегараланган ташкилотда бажарилган ҳоллар учун мазкур қоидадан истисно назарда тутилган (ФКнинг 148-моддаси 2‑қисми). Масалан, сотиб олувчи бўлмиш ташкилот ҳар куни 09.00 дан 18.00 гача ишлайди. Маҳсулотни етказиб бериш (албатта, агар уни олиб бориб бериш мажбурияти шартнома билан етказиб берувчи зиммасига юклатилган бўлса) ушбу ҳаракатни бажариш куни (сизнинг ҳолатингизда жорий йилнинг 16 марти) 18.00 дан кечиктирмай амалга оширилиши шарт.

ФКда бир кунлик муддат кечиктириб юборилганлиги ҳақида хулоса қилиш учун қанча вақт (1, 2, 3, 4 ёки 24 соат) ўтиш кераклиги кўрсатилмаган. Лекин муҳими шуки, бажарилиши учун муайян кун белгиланган мажбурият (такроран айтайлик, товарни етказиб бериш билан боғлиқ мажбурият) айнан шу куни мобайнида, бироқ ундан кечиктирмай (албатта, харидор бўлмиш хўжалик юритувчи субъектнинг иш вақти режими ҳисобга олинган ҳолда) бажарилиши шарт. Шу боис, ФКнинг мазмунига кўра, маҳсулотни етказиб бериш учун аниқ белгиланган кун тугашидан кейинги 1 сонидан то 24 соатгача бўлган ҳар қандай вақт етказиб бериш муддатининг кечиктириб юборилган бир (биринчи) кунлигини ташкил қилади.

Шундай қилиб, агарда шартнома тегишли мажбуриятни бажариш кунини назарда тутса, ушбу мажбурият айнан шу куннинг ўзидаёк бажарилиши лозим. Сиз келтирган ҳолатда маҳсулот етказиб беришнинг куни 2017 йил 16 мартга белгиланган бўлганлиги учун ушбу мажбурият харидорнинг иш вақти режими ҳисобга олинган ҳолда айнан шу кунда (яъни ундан кейинги кунлардан бирида эмас) бажарилиши лозим эди. Шартнома билан белгиланган муддат тарзидаги сана ўтиб кетгандан кейин бажарилган мажбурият «лозим даражада бажарилмади» деб эътироф этилади. Шу боис маҳсулотни олиб бориб бериш куни – 2017 йил 17 март – етказиб бериш муддатини кечиктириш даврига киради. Кечиктириб юборилган давр учун (хатто 1 кунга бўлсада) пеня ҳисобланиши шарт.

Умуман олганда, кунлар билан ҳисобланадиган муддат юзасидан вужудга келаётган низоли масалаларни (саволларни) олдини олиш мақсадида ФКда тегишли қўшимчалар киритиш зарур деб ўйлаймиз.

1. Ҳа, ҳақли.

Маълумки, «Ўзбекенгилсаноат» АК корхоналарига контракт тузиш пайтида вужудга келган жаҳон нархларидан паст бўлмаган нархларда эркин муомаладаги валютага (бундан кейин – ЭМВ) (ҚҚСни нул ставка бўйича ҳисобланган ҳолда) ички бозорда ярим тайёр тўқимачилик маҳсулотларини (калава, газмол, трикотаж полотно ва пахтани йигириш чиқиндиларини) 01.01.2007 йилгача харид олишга истисно тариқасида рухсат берилган бўлиб, бунда ушбу ярим тайёр маҳсулотлардан ишлаб чиқарилган маҳсулотларнинг камида 80 фоизи экспортга йўналтирилиши назарда тутилган эди (ВМнинг 2004.25.03.даги 141-сон қарори 5-банди олдинги таҳрири).

Ушбу рухсатнинг муддати Президентнинг қарорлари билан бир неча марта узайтирилган, охирги марта 2016.21.12.даги ПҚ-2687-сон қарорига 8-илова 4-бандининг 2-хатбошига биноан 2020.01.01.гача узайтирилган.

Юқорида келтирилган норма мазмунидан «Ўзбекенгилсаноат» АК корхоналари санаб ўтилган ярим тайёр маҳсулотларни ички бозоримизда ЭМВга истисно тариқасида харид қилиши мумкинлиги келиб чиқар экан, шундай савол туғилади: уларга ўша маҳсулотларни ЭМВда айнан ким (қайси ҳужалик юритувчи субъектлар) сотишга ҳақли?

Ҳа, «Валютани тартибга солиш тўғрисида»ги Қонуннинг (бундан кейин – Қонун) 18-моддаси 1-қисмида кўра, Ўзбекистон ҳудудида барча ҳисоб-китоблар ва тўловлар миллий валютада амалга оширилади керак. Лекин мустасно сифатида шу модданинг 2-қисмида мамлакатимиз ҳудудида ҳисоб-китоблар ва тўловларни чет эл валютасида амалга оширишга йўл қўйиладиган ҳоллар ҳам келтирилган. Бу ҳолларнинг рўйхати тугал ҳисобланмайди, чунки қонун ҳужжатларида белгиланган бошқа ҳолларда ҳам ҳисоб-китоблар ва тўловларни чет эл валютасида амалга оширилиши мумкин (ўша модда 2-қисмининг 16-хатбоши).

Бошқа ҳолларни белгиланган қонун ҳужжатлардан бири сифатида ВМнинг 2004.25.03.даги 141-сон қарори ҳисобланади (аниқроғи, юқорида қайд этганимиздек, унинг 5-бандидаги муддати узайтирилган норма).

«Ўзбекенгилсаноат» АК корхоналари ярим тайёр тўқимачилик маҳсулотларни ички бозоримизда ЭМВга харид қилишлик имконияти яратиш мақсадида (учун) кимдир уларга шу маҳсулотларни ўша валютада сотишга ҳуқуқига эга бўлиши табиий. Чунки мантиққа кўра,  қаерда бир тарафнинг бир нарсани харид қилишга ҳуқуқи мавжуд бўлса, ўша жойда бошқа тарафнинг ҳам ўша нарсани сотишга ҳуқуқи мавжуд бўлади. Демак, уларга ярим тайёр маҳсулотларни ички бозоримизда Ўзбекистон резиденти бўлмиш бошқа корхоналар реализация қилишга ҳақли. Қонун ҳужжатларда ушбу маҳсулотларни ЭМВда реализация/харид қилиш алоҳида тартиби белгиланмаган* ва шу боис уларни ишлаб чиқарувчи ва улгуржи етказиб берувчилар миллий ёки эркин муомаладаги валютага тўғридан‑тўғри шартномалар бўйича ёки товар‑хом ашё биржа орқали сотишлари мумкин.

Қолаверса, тадбиркорлик фаолияти субъекти ҳуқуқларининг устуворлиги принципига мувофиқ қонун ҳужжатларида бундай фаолиятини амалга ошириш билан боғлиқ ҳолда юзага келадиган барча бартараф этиб бўлмайдиган ноаниқликлар тадбиркорлик субъектининг фойдасига талқин этилади («Тадбиркорлик фаолияти эркинлигининг кафолатлари тўғрисида»ги Қонуннинг 11-моддаси).

Шундай қилиб, улгуржи савдо фаолиятини амалга ошириш лицензиясига эга бўлган корхонангиз калава ип ишлаб чиқариш бошқа корхонасидан миллий валютада (сўмда) сотиб олган калава ипни «Ўзбекенгилсаноат» АК корхоналарига ЭМВда реализация қилишга ҳақли.

2. Йўқ, тушмайди. Аввал «Яна мажбурий сотиш хусусида» номли материалимизда (2016.12.07.даги 28 (1144)-сонли «СБХ» газетаси) ҳам бу мавзу юзасидан нуқтаи назаримиз баён этилган эди.

Ўша вақтдан бугунга қадар Хўжалик юритувчи субъектлар томонидан хорижий валютадаги тушумни мажбурий сотиш тартибига (ВМнинг 2000.29.06.даги 245-сон қарорига 1-илова, бундан кейин – Тартиб) айрим ўзгартириш ва қўшимчалар киритилган. Хусусан, унинг 10-банди 1-хатбошига биноан товарлар ва хизматларни экспортга сотишдан олинган хорижий валютадаги тушумнинг 25 фоизи (аввал 50 фоиз эди) ваколатли банкларга мажбурий сотилиши керак, экспорт қилишдан тушган хорижий валютадаги тушумнинг 50 фоизи мажбурий сотилиши керак бўлган 4-иловага мувофиқ рўйхат бўйича товарлар ва хизматларнинг алоҳида турлари бундан мустасно.

Тартибдаги шу ва бошқа нормалардан кўриниб турибдики, мажбурий сотишга оид хорижий валютадаги тушум товарлар, ишлар, хизматлар экспорт қилиниши билан боғлиқ бўлиши шарт. Бироқ, корхонангизнинг бошқа калава ип ишлаб чиқарувчидан харид қилган калава ипни «Ўзбекенгилсаноат» АК корхоналарига ЭМВда реализация қилишида экспорт операцияси вужудга келмайди. Шу боис Тартибнинг мажбурий сотиш талаби сиз ички бозорда сотаётган калава ип учун тушаётган ЭМВдаги тушумга нисбатан татбиқ этилмайди.

* Масалан, республиканинг пахта толасини қайта ишлайдиган барча корхоналари учун пахта толасини ЭМВда тўғридан-тўғри шартномалар бўйича «Ўзпахтаэкспорт» АЖ ва биржа (ЎзРТХАБ) орқали мувофиқ харид қилишнинг ягона тартиби ўрнатилган (2007.21.11.даги ПҚ‑733‑сон қарорининг 1‑банди). Бироқ шунга ўхшаш тартиб ярим тайёр тўқимачилик маҳсулот бўлган калава ички бозорда айнан кимдан харид қилиш мумкинлиги масаласида ўрнатилмаган. 

Если изготовлением занавесок/штор для автомашин занимается хозсубъект со статусом юрлица, то данная деятельность относится к производству готовых текстильных изделий[1], кроме одежды (код ОКЭД-2 – 13.92.0). Печать (нанесение логотипа и изображения продукции заказчика) на таких изделиях включается в класс 18.12 (подкласс 18.12.0) «Прочие виды полиграфической деятельности» названного классификатора[2].

Информация, распространяемая с помощью занавесок для машин о заказчике, его продукции, в т.ч. о товарном знаке, знаке обслуживания, с целью прямого или опосредствованного получения прибыли (дохода) составляет рекламу. Следовательно, действия, связанные с нанесением на этих занавесках логотипа и изображения продукции заказчика, есть размещение рекламы, включаемое в класс 73.11 ОКЭД-2 «Рекламные агентства»[3], относящийся к его группе 73.1 «рекламная деятельность».

Как видим, налицо смешанная деятельность. Она лицензированию не подлежит.

В то же время для осуществления полиграфической деятельности необходима регистрация (с получением свидетельства)  в УзАПИ и постановка на учет в МВД (п.п.6 и 7 прил. №1 к ПКМ № 454 от 27.12.2002). 

Как полиграфическое предприятие, вы обязаны будете отчислять 1% с выручки, поступившей от реализации печатной продукции, в пользу Фонда «Ижод» при Союзе писателей Узбекистана (п.4 ПП-1292 от 26.02.2010).

В вопросе рекламы заказчик (рекламодатель) обязан представлять вам документальные подтверждения достоверности рекламной информации по вашему требованию, соответствующую лицензию (если деятельность подлежит лицензированию) при рекламе продукции или самого рекламодателя (абз.2 и 3 ч.2 ст.8 Закона «О рекламе»), сертификата соответствия, если рекламируемая продукция подлежит обязательной сертификации (п.32, п.«б» п.40 Положения о размещении рекламы – прил., рег. МЮ №1024 от 06.04.2001).

В договоре с заказчиками рекомендуем указать сумму оплаты на пошив шторок для машин и нанесение на них изображения рекламируемых продукции и логотипа заказчика отдельно.

Индивидуальные предприниматели (ИП) так же, как и юрлица, могут заниматься  пошивом занавесок, а также производством и размещением рекламы (п.п.9, 47 прил. № 1 ПКМ № 6 от 07.01.2011).

[1] См. Пояснения к группировкам ОКЭД-2, к классу 13.92.

[2] См. там же пояснения к классу 18.12.

[3] См. там же пояснения к классу 73.11.