Ответов: 43
|
Ответы эксперта. Хозяйственная деятельность
08.09.2015 [ID: 4027] Товарларни сотишда сотиш нархлари қандай шакллантирилади ёки савдо устамаси неча фоизни ташкил қилиши мумкин?
Показать ответ
Товар нархининг калькуляцияси, қоидага кўра, бевосита ва билвосита харажатлар асосида, сотиш нархини шакллантириш учун таннархга устамани қўшган ҳолда тузилади. Калькуляцияни товар бирлигига каби товарлар гуруҳига ҳам тузиш мумкин. Билвосита харажатлар турли маҳсулот турлари ўртасида муайян тақсимот базаси бўйича пропорционал равишда тақсимланади. База сифатида, масалан, ишчиларнинг иш ҳақи, сарф қилинган материалларнинг қиймати ва ҳ.к.лардан фойдаланиш мумкин. Калькуляцияни тузишга мисол келтирамиз:
Савдо устамаси фоизини чеклаш зарурати, товарларингиз махсус белгиланадиган тартиб бўйича сотиладиган моддий-техника ресурсларининг стратегик турлари рўйхатига кириш-кирмаслигига боғлиқ (ВМнинг 2004 йил 5 февралдаги 57-сон қарорига 3-илова). Агар улар мазкур рўйхатга кирса, у ҳолда келтирилган тартибга амал қилиш лозим бўлади. Бундан ташқари, чакана дорихона тармоғи корхоналари сотиш нархларини шакллантиришда “Дори-дармон воситалари ва тиббиёт буюмларини сотишда савдо устамаларини қўллаш тартиби тўғрисида”ги Низомда (АВ томонидан 29.09.2000 йилда 974-сон билан рўйхатга олинган) белгиланган меъёрларга амал қилишлари керак. Бошқа ҳолатларда савдо устамаларини белгилаш қонун асосида тартибга солинмайди, балки корхона раҳбарияти томонидан мустақил равишда белгиланади (ВМнинг 14.12.1994 йилдаги 604-сон қарори). |