Хусусий мактабни очиш учун биринчи навбатда юридик шахсни рўйхатдан ўтказиш лозим. Юридик шахснинг иштирокчилари сифатида фақат жисмоний шахс, фақат юридик шахс ёки ҳам жисмоний ва юридик шахс биргаликда иштирок этиши мумкин.

Хусусий мактаблар учун бир қатор солиқ имтиёзлари, жумладан ер солиғи ва мол-мулк солиғи бўйича имтиёзлар назарда тутилган.

Ушбу имтиёзлардан фойдаланиш учун кўчмас мулк юридик шахс мулкида бўлиши лозим. Шу сабабли кўчмас мулкни устав фондига улуш сифатида киритиш мақбул ҳисобланади.

Саволда келтирилишича, корхонанинг директори, таъсисчиси ва кўчмас мулк эгаси бир шахсдир. Бу корхонанинг янги очилаётган юридик шахсда иштирокчи бўлишига тўсиқ эмас. Агар корхона хусусий мактабни молиялаштиришда иштирок этса, у иштирокчи (муассис) сифатида қатнашиши мумкин.

Лекин корхона ва хусусий мактаб таъсисчилари ўзаро боғлиқ шахслар деб эътироф этилиши мумкин (СК 37-м.). Шу сабабли улар ўртасидаги битимларда бозор нархлари ва Солиқ кодекси талабларига риоя қилиш лозим. Бунда мазкур талаблар асосан ўзаро боғлиқ шахслар ўртасидаги операцияларга нисбатан қўлланилади.

Шунинг учун хусусий мактаб таъсисчиларини аниқлашда солиқ имтиёзлари, молиялаштириш манбалари ва мулкка эгалик масалаларини ҳисобга олиш мақсадга мувофиқ. Агар томонлар ўзаро боғлиқ шахслар деб эътироф этилса, улар ўртасидаги битимларда Солиқ қонунчилиги талабларини бажариш лозим.

Мавзуга доир материаллар:

Қандай шахслар ўзаро боғлиқ деб эътироф этилади

https://buxgalter.uz/question/29376

https://buxgalter.uz/question/30610