Афғонистон Демократик Республикасида ўз байналмилал бурчларини адо этган ҳарбий хизматчилар уруш қатнашчиларига тенглаштириладиган шахслар ҳисобланади (ВМнинг 08.09.2011й. 252-сонли қарори 1-иловаси). Уларнинг даромадлари, шу жумладан иш ҳақи тарзидаги даромадлари ҳар бир ой учун энг кам иш ҳақининг 4-баравари миқдоридаги қисми солиқ солишдан озод қилинади (СКнинг 180-моддаси 2-қисми 2-банди).

Ушбу имтиёзлар даромад олинган ҳар бир ой учун қўлланилади.

Сизнинг ҳолатда имтиёзга эга бўлган ходим корхонангизда 6 ой давомида ишлаб, ушбу ойлар учун унга даромад (иш ҳақи) ҳисобланган бўлса, имтиёзлар ушбу даромад олинган ҳар бир ой учун қўлланилиши мумкин.