СКнинг 114-моддасида кирим қилинмаган товарларни сақлаш ёхуд товарларни (ишларни, хизматларни) реализация қилишдан тушган тушумни яшириш тарзида қонунбузарликка йўл қўйилганда қўлланиладиган молиявий санкциялар белгиланган.

Агар тадбиркорлик субъекти биринчи марта ҳуқуқбузарлик содир этган бўлса ва қонун ҳужжатларида белгиланган муддатларда йўл қўйилган қоидабузарликларни ихтиёрий равишда бартараф этган ҳамда етказилган моддий зарарнинг ўрнини қоплаган, шу жумладан солиқларни ва бошқа мажбурий тўловларни тўлаган тақдирда, унга нисбатан жарималар ва  молиявий санкциялар (пенядан ташқари) қўлланилиши мумкин эмас (СКнинг 109-моддаси).

СКнинг 112-моддасига биноан, юридик шахс ва якка тартибдаги тадбиркор бўлган солиқ тўловчиларга молиявий санкциялар суд тартибида қўлланилади (пенялардан ташқари). Материаллар судга берилган кундан эътиборан ўттиз кун ичида солиқлар, бошқа мажбурий тўловлар ва пеня ихтиёрий равишда тўланган тақдирда тадбиркорлик субъекти жарималар қўлланилишидан озод қилинади.