Ҳа, Сиз корхонангизнинг ҳисобот йили якунлари бўйича аудиторлик хулосаси нусхасини аудиторлик текшируви ўтказилгандан кейин 15 кун давомида, лекин ҳисобот йилидан кейинги йилнинг 15 майидан кечиктирмай солиқ органлари хизматига тақдим қилишингиз шарт.

Солиқ кодексининг 179-моддаси 1-бандига кўра, кам таъминланганлиги сабабли  ва унинг балоғатга етмаган боласини даволатиш мақсади учун тўланадиган моддий ёрдамга солиқ даври учун ЭКИҲнинг 12 бараваригача миқдорда жисмоний шахслар даромадидан олинадиган солиқ солинмайди.

Жисмоний шахсларнинг даромадларига солинадиган солиқни тўлов манбаида ушлаб қолиш тартиби Солиқ кодексининг 33-боби (184-188-моддалар)га асосан тартибга солинади.

Ягона солиқ тўлови тушумдан транспорт воситалари учун сиқилган газни ишлатганлик учун олинадиган солиқни чегирган ҳолда тўланади. Махсус инвестиция устама ҳақи ЯСТ бўйича солиқ солиш базасидан чегирилмайди.

Мазкур харажатларни амалга оширганда, агар автомобиль корхонанинг хўжалик ёки ишлаб чиқариш мақсадларида  фойдаланилса, солиқ оқибатлари вужудга келмайди.

Якка тартибдаги қурувчи — қишлоқ жойларда яшайдиган, тасдиқланган намунавий лойиҳаларга мувофиқ якка тартибда уй-жой қуришга буюртмани белгиланган тартибда расмийлаштирадиган (расмийлаштирган) Ўзбекистон Республикаси фуқароси (Вазирлар Маҳкамасининг 2009 йил 26 октябрдаги 280-сон қарорига 1-ИЛОВА).

Солиқ кодекси 350-моддасининг бешинчи қисмига кўра тайёрлов фаолиятини амалга оширувчи корхоналар томонидан товарларни реализация қилишга савдо фаолияти сифатида қаралмайди.