Муассис ўз улушини номинал қиймати бўйича сотаётган бўлса, мол-мулкни реализация қилишдан даромад бўлмайди, улушнинг сотилиши уни сотувчида солиқ мажбуриятлари юзага келишига олиб келмайди.

Асосий воситаларни бошқа корхонанинг устав капиталига улуш сифатида бериш натижасида фойда олинган тақдирда, ушбу фойдани камайтириш ёки умуман кўрсатмасликнинг қонуний йули мавжуд эмас.

Агар ходим малака оширишга иш берувчи томонидан юборилса, бу давр учун унга ўртача иш ҳақидан кам бўлмаган миқдорда тўлов кафолатланади.

Нотуғри мақсадда келиб тушган маблағлар тўловчи ташкилотга қайтарилиши лозим.

Уруш қатнашчиларига тенглаштириладиган шахсларнинг даромадлари  ҳар бир ой учун энг кам иш ҳақининг 4-баравари миқдоридаги қисми ЖШДСдан озод этилади.

Ҳа, ЯТТлар ўзи импорт қилган товарларни ҳамда ишлаб чиқарувчи корхоналаридан нақдсиз ҳисоб-китоблар йўли билан харид қилинган товарларни чакана тартибда сотиши мумкин.

Инвентарлаш натижасида аниқланган даъво муддати ўтган қарздорликлар корхона рахбари буйруғи асосида ҳисобдан чиқарилади.

Қишлоқ хўжалиги товарлари ишлаб чиқарувчи фермер хўжалик ягона ер солиғи тўловчилари ҳисобланади.

Иштирокчилар томонидан МЧЖ устав фондига қўшиладиган пулсиз ҳиссаларнинг пул баҳоси жамият иштирокчилари умумий йиғилишининг қарори билан тасдиқланади.

Агар йилнинг 1-чораги учун ЯСТнинг ҳисоб-китоб суммаси нолга тенг бўлса, бюджетга чораклик ҳисоб-китобда ЯСТнинг энг кам миқдори тўланади.