Корхонангиз Кичик тадбиркорлик субъектларига тегишли бўлган ташкилотларнинг таснифлагичига кўра кичик корхоналар тоифасига кирса, ягона солиқ тўловини тўлаш тартибига ўтиш ҳуқуқига эга.

Ҳа, ходим аввалги иш жойидан тегишли маълумотномани тақдим этган тақдирда 2017 йил учун ЖШДС қайта ҳисоб-китоб қилиниши мумкин.

ЯСТни тўлаш бўйича имтиёзга эга бўлган корхоналар томонидан бўш пул маблағлари тижорат банк депозитларига жойлаштирилиб, улар фоизли даромад тарзидаги бошқа даромадларга эга бўлишганда, Солиқ кодексининг 156-моддасига мувофиқ, дивидендлар ва фоизларга тўлов манбаида солиқ солинади.

Солиқ текшируви натижасида жуда кўп миқдордаги солиқларнинг бюджетга тўланмаганлиги аниқланган ҳолларда корхонанинг мансабдор шахсларига нисбатан ЖКнинг 184-моддаси 3-қисми бўйича жиноий иши очилиши мумкин.

Муассис ўз улушини номинал қиймати бўйича сотаётган бўлса, мол-мулкни реализация қилишдан даромад бўлмайди, улушнинг сотилиши уни сотувчида солиқ мажбуриятлари юзага келишига олиб келмайди.

Асосий воситаларни бошқа корхонанинг устав капиталига улуш сифатида бериш натижасида фойда олинган тақдирда, ушбу фойдани камайтириш ёки умуман кўрсатмасликнинг қонуний йули мавжуд эмас.

Корхонангизга қарашли вилоят марказларидаги омборхоналарда ва туманлардаги савдо шахобчаларида товарлар реализация билан боғлиқ операциялар бўйича бухгалтерия ҳисоби марказлашган ҳолда бош офис томонидан юритилади.

Тақсимланмаган фойда устав фондини кўпайтириш учун йўналтирилган тақдирда, юридик шахс муассисининг улуш қийматининг ошиши тарзида олинган даромадлари, дивиденд кўринишидаги даромадлар деб тавсифланади ва уларга солиқ солинмайди.

Асосий воситаларнинг корхонанинг устав фондига ҳисса сифатида берилиши қабул қилиш-топшириш далолатномаси билан расмийлаштирилади ва бунда бухгалтерия ёзувлари 21-сон БҲМСга асосан амалга оширилади.

ЯСТ тўловчиларида асосий воситаларни реализация қилиш чоғида солиқ оқибатлари фақат реализациядан фойда мавжуд бўлгандагина вужудга келади. Асосий воситанинг чиқиб кетишидан олинган зарар ягона солиқ тўлови ҳисоб-китобида ҳисобга олинмайди.

: Республика ҳудудида хизмат сафарида бўлган ходимга хизмат сафарида бўлган кунлар учун озиқ-овқат ва йўл чипталари қийматини қоплаш бўйича қўшимча тўловларни амалга ошириш мумкин.

Институт тузилмасида алоҳида юридик шахс ҳисобланмиш 15 та ташкилотларнинг мавжудлиги қонун ҳужжатлари билан чекланмаган.

Бюджет ташкилоти томонидан унга тегишли бўлган чет эл валютасидаги бўш маблағлар, агарда уларнинг келиб тушиши манбаи мақсадли ишлатилиши шарти билан берилмаган тақдирда, ушбу маблағларни хизмат кўрсатувчи банкга депозитга қўйилиши ва депозитга қўйиш натижасида олинган даромадни бюджетдан ташқари Ривожлантириш жамғармасига йўналтирилиши мумкин.